Дьокуускай куораттааҕы национальнай гимназияҕа улуу убайбыт Былатыан Ойуунускай өрөгөйдөөх үбүлүөйэ
Дьокуускай куораттааҕы национальнай гимназияҕа саха сэбиэскэй литературатын төрүттээччи, бөдөҥ уопсастыбаннай деятель, учуонай Былатыан Ойуунускай 125 сыллаах үбүлүөйүн көрсө ыытыллар тэрээһиннэр тиһигин быспакка бара тураллар, киэҥ сэҥээриини ылаллар.
Ол курдук, Улуу убайбыт Былатыан Ойуунускай үбүлүөйдээх күнүнэн, биһиги гимназиябыт алгыстаах алаадьынан айах тутан, үөрэх күнүн саҕалаата. Дьарыктар быыстарыгар оҕолор Ойуунускай хоһооннорун радионан аахтылар. Учууталлар, үөрэнээччилэр кыттыылаах "Эрдэ турбут сэһэнэ, Хойут кэлбит хоһооно, Төрүүр ыччат номоҕо" Ойуунускайдыын кэпсэтии-дьүһүйүү үс төгүллээн уһун сынньалаҥнар кэмнэригэр ыытыллан, көрөөччү сэҥээриитин ылла. Маны таһынан, "Ойуунускайдыын сэһэргэһии" диэн 7"б" кылаас үөрэнээччилэрин хоһооҥҥо холонууларын хомуурунньугун Галина Семеновна Анисимова хаапыдыраҕа, библиотека-медиатека кииҥҥэ уонна кылаас салайааччытыгар Екатерина Афанасьевнаҕа үөрүүлээх быһыыга-майгыга бэлэх уунна.
 |
Маннык араас хабааннаах тэрээһиннэр үөрэнээччилэр, учууталлар уонна төрөппүттэр кыттыылаах буоланнар, кэлэр кэнчээри ыччакка суруйааччы умсулҕаннаах олоҕун, киэҥ далааһыннаах айар үлэтин дириҥэтэн үөрэтэллэригэр олук буолаллар, үтүө аатын үйэтитэллэр.
Анна Соловьева.
Управление образования окружной администрации города якутска
Ранее
-
В школе №5 состоялась презентация проекта “Кружки от чемпионов”.
-
Итоги международной просветительской акции «Большой этнографический диктант» по РС (Я)
-
Соттинский техникум принял участие в народном строительстве больницы
-
Педагог из Якутии в финале Всероссийского конкурса «Сердце отдаю детям»
-
Учителя современной школы будут обладать цифровыми компетенциями
Комментарии:
Оставьте ваш первый комментарий:
Пройдите авторизацию чтобы оставить комментарий.