Главная / Новости / «Тыыннаах тыл» бырайыак «Арчы» духуобунай култууратын киинигэр

«Тыыннаах тыл» бырайыак «Арчы» духуобунай култууратын киинигэр

Родительский портал -  «Тыыннаах тыл» бырайыак «Арчы» духуобунай култууратын киинигэр

 “Олоҥхо” декадатын чэрчитинэн бу 2020 дьыл ахсынньы 4  күнүгэр «Тыыннаах тыл» бырайыак иьинэн улэлиир Дьокуускай куорат саха тылын уонна литературатын учууталларын методическай холбоһугун, Таатта улууһун уһуйааччылара уонна «Арчы» духуобунай култууратын киинэ 2021-2023сс. бииргэ үлэлээһиннэрин былаанын бигэргэтэр, куйаар ситиминэн мустан сэргэх тэрээһин буолан ааста.

Тэрээһиммит үөрүүлээх чааһын Дьокуускай куорат Үөрэх салаатын начальнига Алексей Климентьевич Семенов арыйда. Фольклор - норуот култууратын, баайын, историятын барытын бииргэ түмэн илдьэ сылдьар улуу айымньы буолар. Республика саха тылын уонна литературатын, төрүт култуура учууталларын, кылаас таһынан үлэҕэ уһуйааччыларын, бары бииргэ түмсэн  ыһыах ыытарга  этии киллэрдэ.

Дьокуускай куораттааҕы Үөрэх управлениятын, үөрэ5ириитин сайыннарар отдел салайааччыта Сыроватская Ульяна Гаврильевна,  Таатта улууһун Саха тылын, литературатын,төрүт култууратын методическай холбоһугун салайааччыта Андросова Оксана Прокопьевна - Сандаара э5эрдэлэрин, санааларын тириэртилэр.
«Арчы» духуобунай култууратын дьиэтин дириэктэрэ Бочонина Валентина Ивановна бырайыак иһинэн фольклор көрүҥэр о5олорбут араас таһымнаах тэрээһиннэргэ көхтөөхтүк кытталларын, сахалыы  тыыҥҥа уһуйуллан, төрүт үгэстэрин утумнуулларын , бииргэ үлэлиир былааны билиһиннэрдэ.

Бу дьоһуннаах бырайыагы сүүрэн-көтөн ылсан үлэлэспит учууталларынан бырайыак «Фольклор» туьулгэтин салайааччыта Августа Семеновна Сидорова Тулагы орто оскуолатын саха тылын, литературатын учуутала, Дьокуускай куорат оскуолаларын саха тылларын холбоһугун салайааччыта Марианна Николаевна Борисова, №38 оскуола учууталлара Прокопьева Мария Егоровна,Каратаева Любовь Афанасьевна,№9 оскуола учуутала Максимова Марфа Даниловна, Ф.И.Авдеева аатынан оҕо айымньытын дыбарыаһын уһуйааччыта Жиркова Евдокия Борисовна  буолаллар. Айыы сыралын иҥэринэн,сахалыы сиэрдээх киһи кэрэмэһэ буолар (социокультурнай) бырайыактарын чэрчитинэн кыттыгас үлэ сөбүлэҥин түһэрсии үөрүүлээх түгэнэ тосхойон ырыа ылланна,оһуокай дьиэрэйдэ.

 

Сидорова АС, « Тыыннаах тыл» бырайыак « Фольклор» туьулгэтин салайааччыта.

 

Управление образования окружной администрации города якутска

star

Комментарии:

Комментариев еще нет, вы можете быть первым кто его оставит

Оставьте ваш первый комментарий:

Пройдите авторизацию чтобы оставить комментарий.

Ранее

edit