«Айар Суол» бөлөх муусука кэрэ эйгэтигэр уһуйуллар
Билигин республика араас улуустарыгар вокальнай-инструментальнай ансамбллар (ВИА) куруһуоктарыгар элбэх оҕо хабыллан үлэлии – хамсыы, айа – тута олороллор. Ол курдук тыыннаах доҕуһуол (ВИА) иккис тыынын ылан эрэр диэххэ сөп. Оҕолор сааскы каникулларын кэмигэр Чурапчыга «Добун дорҕоон түьүлгэтэ», Мэңэ – Хаңалас Харатыгар «Сааскы тэтим», Хаңалас Нөмүгүтүгэр «Ой дуораана», Мэңэ Хаңалас Төнүлүтүгэр «Үс сэргэ» уонна Дьокуускай куоракка «Россия – моя история» музей уораҕайыгар «Дом музыкантов» айар студия тэрийиитинэн ВИА группалар күрэхтэрэ, фестиваллара сылын аайы ыытылла тураллар. Бу фестивалларга «Бастың гитарист», «Бастың бас гитара», «Бастың ударник», «Бастың вокал», «Бастың инструменталист», «Бастың салайааччы» диэн номинациялар уонна Гран - При иһин сүрдээх улахан түьүлгэлэр буолаллар.
П.Н. уонна Н.Е. Самсоновтар ааттарынан Хатас агробизнес орто оскуолатыгар төрдүс сылын ВИА куруһуога үлэлиир. Уус - уран салайааччынан муусука уруогун учуутала Андросов Николай Михайлович үлэлиир. 2015 сылтан элбэх оҕо араас инструменнарга оонньуу үөрэннилэр. Оскуолабыт коллектива уонна директор Слепцов Николай Владимирович сүрдээҕин биһиги куруһуокпутун өйөөн, өйдөөн саңа аппаратура комплегын ылан биэрбитэ биьигини олус кынаттыыр, үөрдэр.
 |
«Айар Суол» бөлөххө Корякин Арылхан, Николаев Сеня, Слепцов Тимур, Попов Алгыс, Иванов Сарыал, Поротов Сайдам, ону таһынан Дьокуускай куорат 12 нүөмэрдээх оскуолаттан Иванов Алеша, Муусука үрдүкү оскуолатыттан Максимова Влада дьаныһан туран дьарыктаналлар.
Бу саас муус устар 21 күнүгэр Саха көрдөрөр иһитиннэрэр хампаанньа ыңырыытынан «Кэл, олор сэһэргэһиэх» биэриигэ «Сиэним кэллэ» диэн рубрикаҕа «Айар Суол» бөлөх оҕолоро, салайааччыта кэлэн кыттыыны ыллыбыт. Биэрии Улуу Кыайыы күнүгэр аналлаах буолла. Бу биэриигэ ыалдьыттаан оҕолор икки ырыаны толордулар, бу сырыыны хаһан да умнуохтара суоҕа.
Оҕолор өссө да ситиһиилээх муусука кэрэ эйгэтигэр уһуйулла, үүнэ – сайда турдуннар.
Салайааччы Николай Андросов.
Управление образования окружной администрации города якутска
Комментарии:
Оставьте ваш первый комментарий:
Пройдите авторизацию чтобы оставить комментарий.