Олунньу 20 күнүгэр төрөөбүт тыл декадатын уонна "Тыыннаах тыл" бырайыак чэрчитинэн "Төрөөбүт тыл түмэр түһүлгэтэ" бэстибээл буолла. Дьокуускай куорат оскуолаларын саха кылааһын оҕолоро тоҕуоруһа мустан, "Сырдыкка угуйар Учуутал барахсан" уус-уран ааҕыыга, "Төрөөбүт тыл" оонньуу-күрэххэ, "Учуутал, үрдүк ааккар сүгүрүйэн" аман өскө күөн көрүстүлэр.

Дьокуускай куорат оскуолаларын 10 кылааһын үөрэнээччилэригэр “Учуутал, үрдүк ааккар сүгүрүйэн" аман өс күрэҕэ буолан ааста. Уопсайа  түөртүү киһилээх 9 хамаанда күөн көрүстэ. Ол курдук Айыы кыһата, Саха гимназията, национальнай гимназия, Тулагы, Хатас оскуолалара, Саха политехническай лиссиэй, Дьокуускай куорат 1, 2, 12 нүөмэрдээх орто оскуолалара көхтөөх кыттыыны ыллылар. Оҕолор бары да сахалыы бэрт хомоҕойдук саҥаралларын, санааларын сатаан сааһылаан этэллэрин, толкуйдара тобуллаһаҕын дьүүллүүр сүбэ бэлиэтээтэ итиэннэ маннык түмүк таһаарда:
1 миэстэ - Саха гимназията,
2 миэстэ - Айыы кыһата,
3 миэстэ - Саха политехническэй лиссиэй
Маны таһынан ордук хомоҕой тыллаах кыттааччыларга бу курдук анал ааттар иҥэрилиннилэр:
"Тобуллаҕас толкуй" аат - Петров Максим, национальнай гимназия, 
"Ыллыктаах ырытыы" аат - Чехордун Эрхан, 1 №-дээх нүөмэрдээх орто оскуола, 
"Уран тыл" - Федоров Арылхан, Тулагы орто оскуолата. 

Оҕолорбут уу сахалыы саҥара сатыылларыттан олус астынныбыт. Өссө да ыытыллыахтаах дебат күрэхтэригэр бары оскуолалар көхтөөх кыттыыны ылыаххайыҥ.
“Төрөөбүт тыл” оонньуу - күрэххэ барыта 10 оскуола кыттыыны ылла. 24 №-дээх  оскуола  "Тигээйилэр", Дьокууска куорат национальнай гимназията  "Сырдык ", Саха политехническэй лиссиэй "Сайсары", 38 №-дээх  оскуола, 26 №-дээх  оскуола "Доҕордуулар", 12  №-дээх  оскуола1 №-дээх  оскуола "Үрдэл",  Тулагы орто оскуолата, Хатас орто оскуолата,  Саха гимназия.
Оҕолор ис сүрэхтэн долгуйан туран оонньоотулар, хамаанданан сатаан салайынан оонньуур дьоҕурдарын көрдөрдүлэр. Бары оскуола дьоһуннук бэлиэтэннэ. Сырдык күммүт тыктын диэн санаанан оонньуу-күрэх түмүктэннэ.

“Сырдыкка угуйар учуутал барахсан...” куораттааҕы уус-уран ааҕыыга барыта 40-ча сайаапка киирэн, күрэхтэһиибит бэрт тыҥааһыннаахтык ааста. Дьүүллүүр сүбэ тыл этээччилэр туттан – хаптан туралларын, тыл этии тэтимин, куолас эгэлгэтэтин, киэҥ эйгэҕэ саҥарар үөрүйэхтэрин учуоттаатылар. 
Биирдиилээн ааҕыыга 10 оскуолаттан 20 оҕо кытынна. 
1 миэстэ - уһулуччу таһымнаах Кондратьева-Львова Туйгууна, СПЛ
2 миэстэ - Борисова Сайыына 10 кыл. 38 №-дээх оскуола
3 миэстэ - Таркова Анжелика 6е кыл. 26 №-дээх оскуола
Анал аат хаһаайыттарынан буоллулар:
Новикова Сайыына, 12 №-дээх оскуола
Иванов Сарыал, Саха гимназията
Прокопьева Диана, 26 №-дээх оскуола
Соломахо Дарьяна, 25 №-дээх оскуола
Герасимова Алгыстаана, 2 №-дээх оскуола
Иванов Саян, 24 №-дээх  оскуола
Катанов Захар, 38 №-дээх оскуола
Торговкина Таня, 24 №-дээх оскуола
Попов Гаврил , СПЛ.

Бөлөҕүнэн уус-уран ааҕыыга орто сүһүөххэ 14, үрдүкү сүһүөххэ 4 сайаапка киирэн, бэрт тэрээһиннээхтик ыытылынна.
Үрдүкү сүһүөх үөрэнээччилэригэр дьүүллүүр сүбэ маннык түмүк таһаарда: 
1 миэстэ - Тулагы орто оскуолатын, 10а кылаас;
2 миэстэ - 12 №-дээх оскуола, 11б кылаас;
3 миэстэ - 1 №-дээх оскуола, 10б кылаас.
Орто бөлөх сүһүөххэ: 
1 миэстэ - 2  №-дээх оскуола, 6а кылаас;
2 миэстэ - 23 №-дээх оскуола, 6 кылаас;
2 миэстэ -  НГ "Айыы кыһата", 8в кылаас;
2 миэстэ - Саха гимназия, “Сайдыына”;
3 миэстэ - 12 №-дээх  оскуола, 7в кылаас;
3 миэстэ – СПЛ, 8в кылаас;
3 миэстэ - 26 №-дээх оскуола, 5е кылаас;
"Добун дорҕоон" анал аатынан 25 №-дээх оскуола 6в кылааһын үөрэнээччилэрэ наҕараадаланнылар. 
Бары кыттааччыларга, оҕолорго, учууталларга эҕэрдэ бастыҥа! Төрөөбүт тылбыт сайда, чэчирии турдун! Саха буолан сандаарыаҕыҥ, киһи буолан килбэйиэҕиҥ!

Алгыстаах сахам тыла Ассоциация