“Үрүҥ эhэчээн” иккис олимпиадата саҕаланна!

Күндү оҕолор, төрөппүттэр уонна учууталлар!

“Бэлэм буол+” хаhыат, Саха Өрөспүүбүлүкэтин үөрэххэ уонна наукаҕа министиэристибэтэ бу дьыл сэтинньи 16 - ахсынньы 16 күннэригэр ыытыллар саха тылын уонна литературатын “Үрүҥ эhэчээн” иккис олимпиадатыгар актыыбынай кыттыыны ыларгытыгар ыҥыраллар.

Саха тылын цифровой эйгэҕэ сайыннарар, оҕо матымаатыкаҕа, саха тылыгар уонна литературатыгар, төрүт култуура уонна тулалыыр эйгэ туhунан биридимиэттэргэ оскуолаҕа үөрэппитин чиҥэтэн билиитин хаҥатарын туhугар “Бэлэм буол+” Саха сиригэр аан бастакы саха тылын эбии үөрэтэр  дистанционнай онлайн платформатын оҥордо. Манна олимпиадалары сэргэ оҕо өйµн сайыннарар сахалыы интэриэhинэй сорудахтары, дьарыктары, оонньуулаах тургутуктары булуоххут.

Саха тылын учууталларын, исписэлиистэрин бииргэ үлэлэhэргэ ыҥырабыт. Бэйэҕит тургутуктары, сорудахтары оҥорон киллэриэххитин сөп.

“Үрүҥ эhэчээн” олимпиадаҕа кыттыы усулуобуйатын туhунан сиhилии www.belembuol.ru саайтан билсиҥ.

Оттон кылгастык эттэххэ, олимпиадаҕа кыттааччылар саастарынан: 2-4, 5-6, 7-8-с кылаастарга арахсаллар. Олимпиада икки түhүмэҕинэн ыытыллар:

1. Сорудахтарга, ыйытыыларга тута онлайн эппиэттээhин.
2. Ханнык баҕарар тиэмэҕэ сахалыы  өйтөн суруйуу. Суруллубут үлэ “Бэлэм буол+” электроннай почтатыгар ыытыллар.

Үлэлэри тутуу ахсынньы 16 күнүнэн түмүктэнэр.

Түмүгү таhаарыы

Уопсай түмүк ахсынньы бүтүүтэ тахсыаҕа.

Бастакы үс миэстэни ылбыт кыайыылаахтар 1, 2, 3-с истиэпэннээх дьупулуомунан уонна сыаналаах бириистэринэн наҕараадаланаллар. Элбэх оҕону кытыннарбыт учууталлары биhирэбил бириистэр күүтэллэр.

Олимпиада түмүктэрэ уонна кыайыылаахтары наҕараадалааhын туhунан Саха Өрөспүүбүлүкэтин үөрэххэ уонна наукаҕа министиэристибэтин, партнердар уонна www.belembuol.ru  саайтарыгар тахсыахтара.

“Бэлэм буол＋”бэлэмнээбит тургутуктарын, Үрүҥ эhэчээн” олимпиада сорудахтарын кытта сиhилии саайтка киирэн билсиҥ!

Ситиhиилэри баҕарабыт!

www.belembuol.ru

Билсэр төлөпүөн: 89681549661

Эл. почта: belembyol@yandex.ru