Главная / Новости / Сахалыы “Уус –уран ааҕыы үөрүйэҕин оҕоҕо иҥэрии” республика учууталларын семинара

Сахалыы “Уус –уран ааҕыы үөрүйэҕин оҕоҕо иҥэрии” республика учууталларын семинара

Родительский портал Якутска - Сахалыы “Уус –уран ааҕыы үөрүйэҕин оҕоҕо иҥэрии” республика учууталларын семинара

09:54, пятница, 19 февраля 2021


Олунньу 15 күнүгэр Е. Ю. Келле-Пелле аатынан  Дьокуускай куорат 26-с нүөмэрдээх орто оскуолатыгар “Төрөөбүт  төрүт тыл уонна сурук-бичик”  декадатын  иһинэн, “Тыыннаах тыл” бырайыак чэрчитинэн  “Уус-уран ааҕыы үөрүйэҕин оҕоҕо иҥэрии» практическай семинар куйаар ситиминэн ыытыллынна. Семинарга Дьокуускай куораттан, Тааттаттан, Мэҥэ-Хаҥаластан саха тылын уонна литературатын учууталлара, үөрэнээччилэрэ, Оҕо библиотеката, Оҕо ааҕыытын киинэ, Саха национальнай библиотекатын филиала, “Үүнэр көлүөнэ” тыйаатырын артыыстара уонна үлэһитэ кыттыыны ыллылар. Барыта холбоон 16 үлэ уопутун иһиттибит, көрдүбүт.

Семинары биһиги оскуола учуутала, куорат саха тылын уонна литературатын учууталларын методическай холбоһугун салайааччыта, С.А. Новгородов аатынан Государственнай бириэмийэ лауреата Борисова М.Н. аан тылынан саҕаланна.
Семинар ыҥырыылаах ыалдьыттара Оҕо библиотекатын, Оҕо ааҕар киинин үлэһиттэрэ Аргунова М.Н., Ефремова Л.В., бэйэлэрин үлэлэрин туһунан умсугутуулаахтык кэпсээтилэр.
“Үүнэр көлүөнэ” тыйаатырыгар үлэлиир Саха Өрөспүүбүлүкэтин үтүөлээх артыыскалара Марина Корнилова, Мария Данилова учууталларга, оҕолорго хоһоону үөрэтэргэ сүбэлэрэ, маастар-кылаастара уонна хоһоонноохтук ааҕыылара  барыбытыгар холобур буолан ыытыллыбыт семинар суолтатын, көдьүүһүн өссө үрдэттилэр. Биһиэхэ барыбытыгар сонун сүүрээни олохсуттулар, саҥа санааны үөскэттилэр. Оттон “Үүнэр көлүөнэ” тыйаатырын администратора Андреева М.В. тыйаатыр үлэтин-хамнаһын, олунньу ый репертуарын билиһиннэрдэ.
Төрөөбүт  тылы өрө тутан, кэлэр кэнчээри ыччаты  үтүөҕэ, сырдыкка уһуйар, төрөөбүт тыл сүөгэйин-сүмэтин таптыырга үөрэтэр  кэллиэгэлэрбит бэйэлэрин баай уопуттарын, сүбэлэрин истэн олус астынныбыт. Ону бигэргэтэн үөрэтэр оҕолоро Саха сирин суруйааччыларын айымньыларын өйдөрүттэн хоһоонноохтук ааҕан иһитиннэрбиттэрэ  кэрэхсэбиллээх буолла.

Ол курдук, Харбалаах оскуола учуутала Кривошапкина В.С. маастар-кылааһыттан кэпсээбитин, Таатта улууһун Тыараһа оскуолатын дириэктэрэ Полускин П.В., Бүтэйдээх оскуолатын учуутала Борисова А.Н. ураты дьарыгын туһунан болҕойон иһиттибит.
Дьокуускай куораттан ЯГНГА, “Айыы кыһата”, 31, 2, 21, 26 оскуолаларын учууталлара оҕоҕо уус–уран ааҕыы үөрүйэҕин хайдах иҥэрэллэрин,  туох методиканы туттан үөрэтэллэрин, үлэлэрин уопуттарыт тан кэпсээтилэр, көрдөрдүлэр.
Түмүгэр, манна мустубут учууталлар, ыалдьыттар ыкса ситимнээхтик үлэлэһэргэ сүбэлэстибит. Уус-уран ааҕыыны сайыннарарга, кэнчээри ыччаппыт дэгиттэр сайдыылаах, сахалыы тыыннаах, тыллаах буоларыгар санаабытын үллэһиннибит.

 


Пестерева Надежда Ильинична
Дьокуускай куорат 26-с нүөмэрдээх
орто оскуола саха тылын
 уонна литературатын учуутала.

thumb_down

Управление образования окружной администрации города якутска

Комментарии:

Комментариев еще нет, вы можете быть первым кто его оставит

Оставьте ваш первый комментарий:

Пройдите авторизацию чтобы оставить комментарий.

Ранее

Полезные советы родителям

Развитие ребёнка, основные этапы: от 0 до 3 лет.close

В чем особенности раннего возраста, что важно знать родителям малыша, какие главные потребности имеются в этот период у ребёнка, и на что ориентироваться в вопросах его развития.

Школьные оценки: какого внимания они заслуживают?close

Оценки - одна из неизбежных составляющих жизни человека. Как относиться к ним правильно и научить этому детей?

За учебу с новыми силами: правильный настройclose

Впереди целое учебное полугодие, за которое в сфере обучения у детей и родителей может произойти множество событий. Как стоит подходить к процессу обучения - разберёмся прямо сейчас!

Совместный досуг детей и родителей в каникулы close

Качественный семейный досуг очень важен для взаимоотношений, создания гармоничной обстановки и детского развития. Чем заняться семьям с детьми в период зимнего отдыха?

Кружки и секции

Репетиторский центр Start

​​ЧТЕНИЕ И СКОРОЧТЕНИЕ

Репетиторский центр Start

ПОДГОТОВКА К ШКОЛЕ

Репетиторский центр Start

КАЛЛИГРАФИЯ

Репетиторский центр Start

​Учимся читать по английски

Репетиторский центр Start

Английский язык для дошкольников

Академия творчества и Мультипликации

Креативные каникулы

Репетиторский центр IQCENTER

ЛЕТНИЕ ОБРАЗОВАТЕЛЬНЫЕ КУРСЫ

Бизнес школа IBEST

ЮНЫЙ ОРАТОР

Центр развития «Сайдыс»

Математика

edit