Главная / Новости / «Тыыннаах тыл» социокультурнай бырайыак «Олоҥхо түһүлгэтэ» тэрээһин

«Тыыннаах тыл» социокультурнай бырайыак «Олоҥхо түһүлгэтэ» тэрээһин

Родительский портал - «Тыыннаах  тыл» социокультурнай бырайыак «Олоҥхо түһүлгэтэ» тэрээһин

 “Тыыннаах тыл” социокультурнай бырайыак партнера Олонхо театра уонна бырайыагы сүрүннүүр Дьокуускай куорат Үөрэҕэриитин салалтата ситимнээхтик үлэлиир иһин сэтинньи 26  күнүгэр Сөбүлэҥҥэ илии баттастылар, инники былааннары торумнаатылар.

 Кыттыыны ыллылар Алексей Семенов, Дьокуускай куорат Үөрэҕэриитин дьаhалтатын салайааччыта, Виталий Власов, Олонхо театрын директора, Айыы кыhaтын , Тулагы, Хатас, 2 N орто оскуола үөрэнээччилэрэ, саха тылын учууталлара.

 Оҕолор олонхолоон иһитиннэрдилэр, чабырҕах аахтылар, Сахая Нохсорова Айыы кыhaтын фольклор куруhуогун уhyйааччыта эҕэрдэ тойугун бэлэхтээтэ, Олонхо театрын артыыстара олонхоттон быha тардыылары толордулар.

 Виталий Гаврильевич бэйэтин этиитигэр олонхо диэн тугун, хайдах толоруллуохтааҕын, олонхоҕо ким, туох туһунан кэпсэнэрин оҕолорго кылгастык билиһиннэрдэ. Оскуола кэллэктииптэрин, үөрэнээччилэри Олонхо театрыгар испиктээкиллэргэ ыҥырда  “Ол оннугар биһиги, эһиги ыҥырдаххытына  маастар-кылаас, муударай бэргэн  этиилэри этэ сатыахпыт” диэн этиитин түмүктээтэ.

 Алексей Климентьевич мустубут дьоҥҥо туһаайан бэйэтин санаатын эттэ: "Бүгүн икки улахан быһаарыылаах күн, ол курдук Олонхо декадатын чэрчитинэн Сөбүлэҥҥэ илии баттастыбыт уонна Дьокуускай куорат Үөрэҕэриитин салалта көҕүлээһининэн ааспыт үөрэх сылыттан "Культурный паспорт ученика" диэн бырайыак үлэлии турар. Бу бырайыак түмүгэ ахсынньы ый бүтүүтэ тахсар. Манна ханнык кылаас үөрэнээччилэрэ элбэхтик театрдарга, музейдарга сылдьыбыттара учуоттаныа" Ону таһынан Алексей Семенов оскуола оҕолоругар куорат ыһыаҕар Олонхо түһүлгэтин тэрийэн, күрэх, ыытар баҕа санаалааҕын, этэн туран, куорат саха тылын учууталларыгар былаанын торумнуулларыгар сорудах биэрдэ.

 

  Информационнай отдел.

Управление образования окружной администрации города якутска

star

Комментарии:

Комментариев еще нет, вы можете быть первым кто его оставит

Оставьте ваш первый комментарий:

Пройдите авторизацию чтобы оставить комментарий.

Ранее

edit