Саха оскуолаларын икки ардыларыгар "Түмэр тыл түһүлгэтэ"
Кулун тутар 18 күнүгэр Саха тыйаатырын Олоҥхо саалатыгар саха оскуолаларын икки ардыларыгар "Түмэр тыл түһүлгэтэ" оонньуу-күрэҕи Дьокуускай куораттааҕы национальнай гимназия саха тылын, литературатын уонна культуратын кафедрата иилээн-саҕалаан, тэрийэн ыытта.
Күрэххэ барыта 9 сахалыы тыллаах оскуола (Саха гимнази, Айыы Кыһата, Тулагы орто оскуолата, Саха политехническай лицей, №2, №17, №26, №33 орто оскуолалар, Дьокуускай куораттааҕы национальнай гимназия) кыттыыны ылан, анал ааттарынан, туоһу суруктарынан наҕараадаланна.
Күрэх сыалынан-соругунан буолар: үбүлүөйдээх суруйааччылары ырыа-хоһоон нөҥүө айымньыларын үйэтитии; оҕо норуот тылынан уус-уран айымньытын билиитин чиҥэтии; театр артыыстарын билии, ытыктабылы иҥэрии; оһуохай хаамыытын, толоруллуутун тутуһарга иитии.
Хамаандалар биэс түһүмэхтэн турар тургутуктарга олус диэн өрө көтөҕүллэн, көхтөөхтүк кытыннылар. Үбүлүөйдээх суруйааччылар айымньыларын уустаан-ураннаан, дьүһүйэн көрдөрбүттэрэ дьүүллүүр сүбэни, кыттааччылары долгутта. Маны таһынан, оҕолор ийэ тылларын баайын, тыйаатыр сылыгар анаммыт ыйытыктарга билиилэрэ сыаналанна. Хас биирдии хамаанда чуор куоластаах оһуокайы таһаарааччыта доҕордоһуу түһүлгэтин төрүттээтэ.
Анна Соловьева,Дьокуускай куораттааҕы национальнай гимназия.
Управление образования окружной администрации города якутска
Ранее
-
Вышел сборник материалов фестиваля – конкурса педагогов дополнительного образования г. Якутска
-
В культурном центре «Сергеляхские огни» прошел финальный этап конкурса «Мисс образованиен – 2019»
-
Форум талантов «Пятая высота» коллектив СОШ №5 им. Н.О. Кривошапкина отпраздновал в 12-й раз
-
Музей истории развития образования г.Якутска отметил 25-летний юбилей
Комментарии:
Оставьте ваш первый комментарий:
Пройдите авторизацию чтобы оставить комментарий.