Главная / Новости / Cэбиэскэй Сойуус Геройа Ф.К.Попов аатынан 20 № оскуола учууталлара сахалыы дьыктаан суруйдулар

Cэбиэскэй Сойуус Геройа Ф.К.Попов аатынан 20 № оскуола учууталлара сахалыы дьыктаан суруйдулар

Родительский портал - Cэбиэскэй Сойуус Геройа Ф.К.Попов аатынан 20 № оскуола учууталлара сахалыы дьыктаан суруйдулар

 Сахалыы дьыктааны суруйуу төрөөбүт тыл, сурук-бичик күнүн чэрчитинэн ыытылынна.

 Дьыктааны ыытыы сыала-соруга:

 - сахалыы таба суруйуу үөрүйэҕин олохсутуу, иҥэрии;

  - оскуола учууталларын төрөөбүт тылынан таба суруйар таһымнарын үрдэтии;

  - саха тылын баайын билиини ситиһии. 

 Дьыктааны саха тылын уонна литературатын үрдүк категориялаах учуутала Федорова Марианна Макаровна иилээн – саҕалаан, оскуола учууталлара иккис сылын суруйаллар.   Былырыын 34 учуутал суруйбут буоллаҕына, быйыл 42 учуутал дьыктааны суруйууга бэйэтин кыаҕын холонон кѳрдѳ. Кэрэхсэбиллээҕэ диэн бу аахсыйаны оскуола администрацията ѳйѳѳтѳ. Дьыктааҥҥа оскуола дириэктэрэ Аргунова Ульяна Алексеевна (нууччалыы тыллаах саха), саабыстара Акимова Инна Евгеньевна (омугунан нуучча), Парфенова Римма Васильевна, Михайлова Дария Ивановна эмиэ кыттыстылар.

  Быйыл кыттааччылар 127 тыллаах Иннокентий Сосин «Үрүмэччилэр»  диэн тиэкиҺин суруйдулар. ТиэкиҺи икки хабыньыатынан  саха тылын учууталлара Марианна Макаровна уонна Нарыйа Александровна аахтылар. Алын сүҺүѳх саха кылаастарын учууталлара үлэлэри бэрэбиэркэлээтилэр.

      Дьыктааны маннык кэриҥинэн сыаналаатылар:

Баал

Алҕас ахсаана:

таба суруйуу / сурук бэлиэтэ

«5»

0/0, 0/1, 0/2

«4»

0/3, 0/4, 0/5, 1/0, 1/1, 1/2, 1/3, 1/4, 2/0, 2/1, 2/2, 2/3 

«3»

0/6, 0/7, 0/8, 0/9, 1/5, 1/6, 1/7, 2/4, 2/5, 2/6, 3/0, 3/1, 3/2, 3/3, 3/4, 3/5, 4/0, 4/1, 4/2, 4/3, 4/4

«2»

0/10 – 0/25, 1/8 – 1/23, 2/7 – 2/21, 3/6, - 3/19, 4/5 – 4/17, 5/4 – 5/15, 6/3 – 6/13, 7/2 – 7/11, 8/0 – 8/9, 9/0 – 9/7, 10/0 – 10/5, 11/0-11/3, 12/0, 12/1, 13

 Түмүккэ «5» сыанаҕа – 25 учуутал, «4» сыанаҕа – 11 учуутал суруйан, үѳрдүлэр – кѳттүлэр.

 Ону тэҥэ уҺулуччу кыайыылаахтарынан (таба суруйууга, сурук бэлиэтигэр биир да сыыҺата суох) буоллулар: Иванова Вера Константиновна – алын кылаас учуутала, Назарова Ньургуяна Владимировна – нуучча тылын уонна литэрэтиирэтин учуутала, Постникова Наталья Прокопьевна – аангылыйа тылын учуутала.

  Бу күн нууччалыы тыллаах оскуолаҕа сахалыы саҥа сатарыйда, тѳрүт тылга тѳннүү дьоро кэмэ тосхойдо!

  ЭҺиилги сылга Сайсаар түѳлбэ оскуолатын учууталларын сахалыы дьыктааҥҥа ыҥырабыт!

 

  Дьокуускай куорат Cэбиэскэй Сойуус Геройа Ф.К.Попов аатынан 20 № оскуола.

 

Управление образования окружной администрации города якутска

star

Комментарии:

Комментариев еще нет, вы можете быть первым кто его оставит

Оставьте ваш первый комментарий:

Пройдите авторизацию чтобы оставить комментарий.

Ранее

edit