Главная / Новости / Хомус дьикти тылынан

Хомус дьикти тылынан

Родительский портал - Хомус дьикти тылынан

 Бүгүҥҥү "Хомус дьикти тылынан" Дьокуускай куорат наицональнай гимназия бүттүүн тэрээһинин өрө күүрүүлээхтик, биир тыынынан бэлиэтээтибит! Бүтүн өрөспүүбүлүкэ улахан суолталаах дьоро күнүгэр бары биир сомоҕо буолан, хомуспут күнүн үрдүк таһымнаахтык ыыттыбыт.

 Үөрэх күнүн алгыстаах алаадьынан айах тутан саҕалаатыбыт, радиоэфирга хомус туһунан хоһооннор быыстала суох кутулуннулар.

 Гимназия иккис этээһигэр Аан дойду таһымнаах хомус ууһун, Россия, Саха сирин уустарын союһун чилиэнин, гимназия сатабылга учууталын Комиссаров Ф. А. хомустарын коллекциятын, научнай-чинчийэр үлэтин сырдатар быыстапката буолла.

 Дьоро күн ыҥырыылаах ыалдьыттарынан буоллулар:

 Казахстан Алма-Аты куорат Ахмет Байтурсынов аатынан Тылы чинчийэр институт наукаҕа үлэһитэ Рыскулов Марат Абсатарович уонна Аан дойдутааҕы хомус түмэлин наукаҕа отделын салайааччыта, виртуоз хомусчут Алексеев Эркин Павлович.

 Хомуска күргүөм тардыы доҕордоһуу оһуохайынан түмүктэннэ.

 Маны таһынан, орто сүһүөх оҕолорун кытта Марат Абсатаровичтыын истиҥ иһирэх кэпсэтии буолла.

 Бу күн бары сарсыардаттан - учууталлардыын, үөрэнээччилэрдиин, гимназия бары үлэһиттэриниин сахалыы таҥастаах, хомустаах кэлэн, төрүт үгэспитигэр,култуурабытыгар сүгүрүйдүбүт.

 

 Анна Соловьева, Дьокуускай куорат наицональнай гимназията.

Управление образования окружной администрации города якутска

star

Комментарии:

Комментариев еще нет, вы можете быть первым кто его оставит

Оставьте ваш первый комментарий:

Пройдите авторизацию чтобы оставить комментарий.

Ранее

edit