«Сайсары» норуодунай ансаамбыл 20 – с оскуолага ыалдьыттаата
Сэтинньи 16 күнүгэр, Сайсары түөлбэтигэр турар, Советскай Сойуус Дьоруойа Ф.К.Попов аатынан 20-с оскуола5а «Сайсары» норуодунай ансаамбыл талыы – талба талааннаахтара Степан Дадаскинов төрөөбүтэ 85 сылыгар поэт ырыа буолбут хоһооннорунан уус – уран дьүһүйүүнү туруоран оскуола учууталларыгар, оҕолоругар бэлэхтээтэ.
Кэнсиэри иилээн – саҕалаан, Саха политехническай лицей библиотекара Другина Наталья Никитична ыытта. Концертнай нүөмэрдэр быыстарыгар лицей 11-с кылааһын уолаттара Степан Дадаскинов хоһооннорун аахтылар.
Хас биирдии нүөмэри көрөөччү дохсун ытыс тыаһынан доҕуһуоллаата.
«Сайсары» норуодунай ансаамбылы Саха республикатын культуратын туйгуна Степанова Светлана Константиновна салайар. Ансамбылга биһиги оскуолабытыттан алын кылаас учуутала, Саха Республикатын үөрэҕириитин туйгуна Иванова Вера Константиновна уонна нуучча тылын, литературатын учуутала, Саха Республикатын үөрэҕириитин туйгуна Захарова Маргарита Саввична дьарыктаналлар.
Далбар хотуттар бииртэн биир чаҕылхай концертнай нүөмэрдэри толордулар, талааннара арыллан ыллыы – туойа турдулар.
«Сайсары» норуодунай ансаамбыл ырыалара кэскиллээҕи кэрэhэлииллэр, ыллыктааҕы ырыӊалыыллар, дьон дууhатын ортотунан сайа киирэллэр.
Биһиги оскуолабытыгар кэлэн, үтүмэн элбэх үөрүүнү, кэрэни бэлэхтээбиккитигэр сахалыы сайаҕас махталбытын тиэрдэбит!
Эһиэхэ өссө да өр сылларга сахалыы сайаҕас ырыаларгытынан бар дьоӊӊутун үөрдэ – көтүтэ сылдьаргытыгар, норуот махталынан, аламаҕай алгыһынан арыалланан инникигит диэки эрчимнээхтик хардыылыргытыгар баҕарабыт!
Дьиэ кэргэӊӊитигэр бөҕө туругу, олоххутугар дьулууру, эстибэт эрчими түстүүбүт!
Советскай Сойуус Дьоруойа Ф.К.Попов аатынан 20-с оскуола кэллэктиибин аатыттан
саха тылын, литературатын учуутала Федорова Марианна Макаровна.
Управление образования окружной администрации города якутска
Ранее
-
Детский технопарк «Кванторуим» посетила делегация Хангаласского улуса
-
21 ноября 2018 года – последний день приема заявлений на участие в итоговом сочинении (изложении)
-
Интерактивная квест – игра «История Якутии-моя история» для детей с ОВЗ
-
Студенты Мирнинского колледжа – победители IV НПК «Научный поиск - шаг к успешной карьере»
Комментарии:
Оставьте ваш первый комментарий:
Пройдите авторизацию чтобы оставить комментарий.